राहुलले रोके राहुलको भाजपा प्रवेश

भारतीय कांग्रेसका नेता राहुल बोन्द्रे मंगलबार महाराष्ट्रका मुख्यमन्त्री देवेन्द्र फडणवीसको उपस्थितिमा भारतीय जनता पार्टी (भाजपा) मा प्रवेश गर्ने तयारीमा थिए।

तर अचानक कांग्रेसका अर्का नेता राहुल गान्धीले हस्तक्षेप गरेपछि उनको पार्टी प्रवेश रोकिएको हो। महाराष्ट्र कांग्रेस प्रमुख हर्षवर्धन सप्कलले विपक्षी नेता गान्धीसँग बोन्द्रेको फोन सम्पर्क गराएका थिए। त्यसपछि बोन्द्रे भावुक हुँदै गान्धीसँग ‘अब तपाईंले फोन गर्नुभएको छ, म यो लडाइँमा तपाईंको साथमा उभिनेछु, चाहे मैले जतिसुकै गुमाउनु परे पनि’ भने। पछि उनले सामाजिक सञ्जालमा ‘राहुल गान्धीसँगै उभिएर यो लडाइँमा सबै कुरा त्याग गर्न तयार छु’ भन्दै पोस्ट गरेका छन्।