ह्वाट्सएपले आईओएस बेटामा थर्ड-पार्टी एजेन्ट च्याट्स परीक्षण गर्दै

काठमाडौं । ह्वाट्सएपले आईओएस बेटा प्रयोगकर्ताका लागि ‘थर्ड-पार्टी एजेन्ट च्याट्स’ सुविधा परीक्षण गरिरहेको छ । नयाँ सुविधामार्फत प्रयोगकर्ताले ह्वाट्सएपमै आफ्नै एआई एजेन्ट वा बोट बनाएर त्यससँग कुराकानी गर्न सक्नेछन् ।

रिपोर्टअनुसार प्रयोगकर्ताले ह्वाट्सएपको सेटिङ्सबाट एजेन्ट तयार गर्न सक्नेछन् । एजेन्टको नाम र प्रोफाइल फोटो समेत राख्न सकिनेछ । त्यसपछि उक्त एजेन्टलाई एपीआई की (API Key) मार्फत बाह्य सेवासँग जोड्न सकिने व्यवस्था गरिएको छ ।