सभामुख देवराज घिमिरे झापा–२ बाट पुनः उम्मेदवार

काठमाडौँ । विघटित प्रतिनिधिसभाका सभामुख देवराज घिमिरे झापा क्षेत्र नम्बर २ बाट पुनः चुनाव लड्ने भएका छन् । नेकपा (एमाले) को शनिबार बसेको सचिवालय बैठकले आगामी फागुन २१ गते हुने प्रतिनिधिसभा निर्वाचनका लागि घिमिरेलाई सोही क्षेत्रबाट उम्मेदवार चयन गरेको हो ।

घिमिरे २०७९ सालको प्रतिनिधिसभा निर्वाचनमा झापा–२ बाट निर्वाचित भएका थिए । सोही निर्वाचनपछि उनी प्रतिनिधिसभाको सभामुखमा चयन भएका थिए ।