सुखद अन्त्य हुँदा खुसी छौँ: कप्तान भुर्तेल

काठमाडौँ। राजधानीमा जारी दोस्रो संस्करणको नेपाल प्रिमियर लिग (एनपिएल) मा आजको दोस्रो खेलमा पोखरा एभेन्जर्सले सुखद अन्त्य गरेको छ । आजको खेलमा पोखराले चितवन राइनोजलाई ८ विकेटले हराएको थियो ।

पोखरा ६ अङ्क जोड्दै पाँचौँ स्थानमा तथा चितवन चार अङ्कका साथ प्रतियोगिताको छैटौँ स्थानमा रह्यो । दुवै टोली प्लेअफ पुग्न सकेनन् । आजको खेलमा जित हासिल गरेपछि सञ्चारकर्मीसँग कुरा गर्दै पोखराका कप्तान कुशल भुर्तेलले प्रतियोगितामा सुखद अन्त्य गर्दा खुसी लागेको बताए ।