पाकिस्तानमा पोलियो टोलीलाई सुरक्षा दिइरहेका दुई प्रहरीको गोली हानेर हत्या

दक्षिणपश्चिम पाकिस्तानमा घर-घरमा पुगेर पोलियोविरुद्धको खोप लगाउने स्वास्थ्यकर्मीहरूलाई सुरक्षा प्रदान गरिरहेका दुई प्रहरी अधिकारीको मंगलबार अज्ञात बन्दुकधारीको गोली प्रहारबाट मृत्यु भएको अधिकारीहरूले जनाएका छन्।

बलुचिस्तान प्रान्तको नुश्की जिल्लामा भएको यो आक्रमण सरकारले ३ करोड १० लाखभन्दा बढी बालबालिकालाई खोप खुवाउने उद्देश्यले एक साता लामो राष्ट्रिय अभियान सुरु गरेको भोलिपल्ट घटेको हो।