विपद्मा खटिने सुरक्षाकर्मीलाई जलविद्युतको प्राथमिक शेयरमा २ प्रतिशत हिस्सा

काठमाडौं– ऊर्जा, जलस्रोत तथा सिँचाइमन्त्री विराजभक्त श्रेष्ठले विपद्का समयमा खोज, उद्धार तथा राहतमा खटिने सुरक्षाकर्मीका लागि जलविद्युत आयोजनाको प्राथमिक शेयरमा २ प्रतिशत हिस्सा सुनिश्चित गर्ने कानुनी प्रक्रिया अघि बढाइएको बताउनुभएको छ ।

प्रतिनिधि सभाको बुधवारको बैठकमा बोल्दै मन्त्री श्रेष्ठले कठिन भौगोलिक अवस्था र प्रतिकूल मौसमका बीच सुरक्षाकर्मीले निर्वाह गर्दै आएको भूमिकाको उच्च कदर गर्दै उनीहरूलाई जलविद्युत आयोजनाको स्वामित्वमा सहभागी गराउने नीतिगत निर्णय गरिएको जानकारी दिनुभयो ।