संसद पुनर्स्थापनाको आन्दोलनमा जानु एमालेका लागि आत्मघाती हुन्छ- रचना खड्का

नेकपा एमालेकी केन्द्रीय सदस्य रचना खड्काले संसद पुनर्स्थापनालाई मुख्य कार्यभार बनाएर आन्दोलनमा जानु पार्टीका लागि आत्मघाती हुने चेतावनी दिएकी छन्।

जारी केन्द्रीय कमिटी बैठकमा आफ्नो धारणा राख्दै उनले २०७७ पुस ५ को प्रतिनिधि सभा विघटनपछि घट्दै गएको जनविश्वास र पार्टीको ओरालो यात्रालाई यस्तो कदमले अझ तीव्र र क्षतविक्षत बनाउने बताएकी हुन्।