स्थानीय माछाको माग उच्च, उत्पादन न्यून

धनकुटाको छथर जोरपाटी गाउँपालिका–१ माक्लुङका पदम कटुवालले पाँचवटा पोखरी निर्माण गरी व्यावसायिक रूपमा माछापालन गर्दै आउनुभएको छ । उहाँले आफ्नो अधिकांश बारीमा पोखरी निर्माण गरी माछापालन गर्नुभएको हो । उत्पादित माछा बिक्री गर्न उहाँलाई बजारको समस्या छैन । माछाको अग्रिम अर्डर हुने र मारेकै दिन पोखरीबाटै बिक्री हुने गरेको उहाँ बताउनुहुन्छ ।

स्थानीय माछाको माग अत्यधिक भए पनि मागअनुसार उत्पादन गर्न नसकिएको कटुवालको भनाइ छ । उहाँले हाल वार्षिक करिब पाँच क्विन्टल माछा उत्पादन गर्दै आउनुभएको छ ।