सिंगापुर प्रहरीको सूचनापछि मेटाले हटायो ३७ लाखभन्दा बढी ठगीसम्बन्धी अकाउन्ट

काठमाडौं । सामाजिक सञ्जालमार्फत हुने ठगी नियन्त्रणका लागि सिंगापुर प्रहरीसँगको सहकार्यमा मेटाले यस वर्ष अहिलेसम्म ३७ लाखभन्दा बढी अकाउन्ट, पेज तथा अन्य सामाग्रीमाथि कारबाही गरेको जनाएको छ ।

मेटाका अनुसार ठगी गर्ने समूहले प्रयोग गर्न सक्ने अकाउन्ट र पेज पहिचान गरी निष्क्रिय पार्न सिंगापुर प्रहरीबाट प्राप्त सूचनाले महत्वपूर्ण भूमिका खेलेको छ । कम्पनी र सिंगापुर प्रहरी बल (एसपीएफ) बीच पछिल्ला दुई वर्षदेखि ठगीसम्बन्धी सूचना आदान–प्रदान हुँदै आएको छ ।