धनगढीका किसान पुष्पखेतीतर्फ आर्कर्षित

धनगढी । कैलालीको धनगढीका किसान पछिल्ला दिनमा पुष्पखेतीतर्फ आर्कर्षित भएका छन् । धनगढी उपमहानगरपालिकाले प्लाष्टिकजन्य फूल, मालालगायतमा प्रतिबन्ध लगाएपछि उनीहरु पुष्पखेतीतर्फ आर्कर्षित भएका हुन् ।

यसअघि प्लाष्टिकजन्य फूल, मालाको बाहुल्यता रहेको धनगढीमा पुष्प ब्यवसायमा स्थानीयको खासै चासो रहेको थिएन । धनगढी यपमहानगरले किसानलाई पुष्पखेती सम्बन्धी तालिम दिएपछि व्यवसायिकरुपमा पुष्पखेती थालिएको हो । उपमहानगरले प्राविधिक शिक्षा तथा व्यवसायिक तालिम परिषद (सिटिईभिटी)सँगको सहकार्यमा धनगढी पोलिटेक्निक इन्स्टिच्युटमा पुष्पखेती सम्बन्धि व्यवसायिक तालिम दिएको थियो ।