गाईको घिउ कि भैंसीको घिउ : मुटुको स्वास्थ्यका लागि कुन राम्रो ?

घिउ नेपाली खानपानको पुरानो हिस्सा हो । दालभातमा एक चम्चा घिउ थप्ने, रोटीमा घिउ लगाएर खानेदेखि विभिन्न परिकार बनाउनसम्म यसको प्रयोग हुँदै आएको छ । विशेषगरी गाउँघरमा गाई वा भैंसीको दूधबाट बनाइएको घिउलाई पौष्टिक र शरीरलाई बल दिने खानेकुराका रूपमा लिइन्छ ।

तर पछिल्लो समय सामाजिक सञ्जालमा घिउलाई लिएर अनेकथरी दाबी हुने गरेकाछन् । कसैले गाईको घिउ मुटुका लागि राम्रो हुने बताउँछन् भने कसैले भैंसीको घिउ बढी पौष्टिक हुने दाबी गर्छन् । अर्कोतर्फ, घिउमा बोसो धेरै हुने भएकाले यसलाई मुटुका लागि हानिकारक भन्दै पूर्ण रूपमा त्याग्नुपर्ने धारणा पनि पाइन्छ ।