जलवायु संकटबारे तीन वर्षअघि नेपालबाट दिएको चेतावनी सम्झाउँदै गुटेरेसले भने, ‘विश्वको छानो भत्किँदैछ’

न्युयोर्क- संयुक्त राष्ट्रसङ्घका महासचिव एन्टोनियो गुटेरेसले जलवायु परिवर्तनको सङ्कटले विश्वलाई गम्भीर जोखिमतर्फ धकेलिरहेको बताएका छन्। उनले नेपालसहितका हिमाली क्षेत्रमा तीव्र गतिमा भइरहेको हिमनदी पग्लिने क्रमप्रति चिन्ता व्यक्त गरेका छन्।

संयुक्त राष्ट्रसङ्घको ८१औँ महासभाको सामान्य बहस उद्घाटनका क्रममा मङ्गलबार सम्बोधन गर्दै महासचिव गुटेरेसले तीन वर्षअघि नेपालको हिमाली क्षेत्रबाट आफूले दिएको जलवायु परिवर्तनसम्बन्धी चेतावनी स्मरण गरे। उनले त्यसबेला हिमनदी तीव्र गतिमा पग्लिरहेको र ‘विश्वको छानो भत्किँदै गएको’ चेतावनी दिएको उल्लेख गरे।