जिमेलमा आयो नयाँ सुविधा, इमेल नखोली नै कपी गर्न सकिनेछ भेरिफिकेसन कोड

काठमाडौं । जिमेलले एन्ड्रोइड र आईओएस प्रयोगकर्ताका लागि इमेलमा प्राप्त हुने भेरिफिकेसन कोड सजिलै कपी गर्न सकिने नयाँ सुविधा ल्याएको छ । नयाँ सुविधाअन्तर्गत अब प्रयोगकर्ताले इमेल खोलेर कोड खोजी कपी गर्नुपर्ने छैन ।

जिमेलको इनबक्समै देखिने ‘Copy Code’ बटनमार्फत दुई-चरणीय प्रमाणीकरण (2FA) का लागि प्राप्त कोड सिधै कपी गर्न सकिनेछ । यो सुविधा एन्ड्रोइड र आईओएसका लागि उपलब्ध जिमेलको पछिल्लो संस्करणमा समावेश गरिएको बताइएको छ । हाल भने जिमेलको वेब संस्करणमा यो सुविधा उपलब्ध छैन ।