कोरलानाकाबाट २० दिनमै २ अर्ब ५४ करोड राजस्व

काठमाडौं– रसुवागढी–केरुङ नाका बन्द भएपछि चीनबाट नेपाल भित्रिने मालवस्तुको वैकल्पिक मार्ग बनेको कोरलानाकाबाट मुस्ताङ भन्सार कार्यालयले २० दिनमै २ अर्ब ५४ करोड ९३ लाख रुपैयाँ राजस्व सङ्कलन गरेको छ ।

रसुवाको भोटेकोशीमा आएको बाढीका कारण रसुवागढी–केरुङ नाका पूर्ण रूपमा बन्द भएपछि चीनबाट पैठारी हुने अधिकांश मालवस्तु तथा विद्युतीय सवारीसाधनको मार्ग परिवर्तन भई कोरलानाका हुँदै नेपाल भित्रिएका हुन् ।