बङ्गालको खाडीमा विकसित प्रणालीले नेपालमा आइतवारसम्म कस्तो प्रभाव पार्ला, उच्च सतर्कता किन आवश्यक

नेपालका विभिन्न स्थानमा शुक्रवारदेखि आइतवारसम्म भीषण वर्षा हुने पूर्वानुमान गर्दै मौसम अधिकारीहरूले उच्च सतर्कता अपनाउन जरुरी देखिएको बताएका छन्।

बुधवार बिहानको अद्यावधिक विवरणअनुसार पछिल्लो प्रणालीको प्रभाव मुख्यतः देशको मध्य र पश्चिम क्षेत्रमा रहने वरिष्ठ जलविज्ञानविज्ञ विनोद पराजुलीले बीबीसीलाई बताए। "यसको सामान्य प्रभाव देशैभरि रहन्छ, तर मुख्य प्रभाव गण्डकी, लुम्बिनी र कर्णाली प्रदेशमा पर्ने देखिन्छ," उनले भने।