कालिकोटमा सरकारी जग्गा व्यक्तिको नाममा सारेर करोडौंको भ्रष्टाचार, १२ जनाविरुद्ध मुद्दा

कर्णाली राजमार्गसँगै जोडिएको नगर विकास समिति तथा सरकारी स्वामित्वको जग्गा गैरकानुनी रूपमा व्यक्तिको नाममा दर्ता गरेको अभियोगमा अख्तियार दुरुपयोग अनुसन्धान आयोगले १२ जनाविरुद्ध भ्रष्टाचार मुद्दा दायर गरेको छ।

अख्तियारले तत्कालीन भूमि सम्बन्धी समस्या समाधान आयोग जिल्ला समिति कालिकोटका अध्यक्ष, सदस्यहरू, तत्कालीन मालपोत प्रमुख, कार्यवाहक वडाध्यक्ष तथा जग्गा लिने-दिने व्यक्तिहरूविरुद्ध बिगो, कैद र जरिवाना मागदाबीसहित मंगलबार विशेष अदालत, काठमाडौंमा आरोपपत्र दायर गरेको हो।