देउवाको हातबाट १५ औँ महाधिवेशनको उद्घाटन गर्न चाहन्छौँ, अपमान गर्ने मनसाय छैन : महामन्त्री पौडेल

काठमाडौं । नेपाली कांग्रेसका महामन्त्री प्रदीप पौडेलले लोकतन्त्रको विकल्पमा कांग्रेस कहिल्यै नसोच्ने बताएका छन्। काठमाडौं जिल्ला अधिवेशनको उद्घाटन समारोहलाई सम्बोधन गर्दै लोकतन्त्रको पहरेदारको रूपमा कांग्रेस सधैँ उभिने बताए।

उनले भने, ‘कांग्रेसको नेतृत्व नै यो देशको लागि परिपक्व नेतृत्व हो। कांग्रेसको नेतृत्वले नै यो देशमा सुझबुझपूर्ण ढङ्गबाट काम गर्न सक्छ। यो आम नेपालीले मानेको विषय हो। हामीले इतिहासमा स्थापित गरेको विषय हो। त्यसैले एउटा चुनाव हार्दैमा हामीहरू निराश हुनुपर्ने अवस्था छैन।’