अति भारी वर्षाको चेतावनीपछि सुदूरपश्चिममा हाई अलर्ट, सेनाको हेलिकप्टर ‘स्ट्यान्डबाइ’

आगामी शुक्रबारदेखि तीन दिनसम्म अति भारी वर्षा हुने चेतावनीसँगै सुदूरपश्चिम प्रदेशभर विपद् प्रतिकार्य संयन्त्रलाई उच्च सतर्कतामा राखिएको छ।

सम्भावित बाढी र पहिरोबाट नागरिकको तत्काल उद्धार गर्न नेपाली सेनाले हेलिकप्टर स्ट्यान्डबाइ राखेको छ भने सशस्त्र प्रहरीले आफ्ना कर्मचारीहरूको बिदासमेत रद्द गरेको छ।