संकटमा रैथाने बाली

पाल्पा। माथागढी गाउँपालिका ओलेसका किसानले उब्जाउ गर्ने गरेको स्थानीय दानाको कालो भट्ट कुनै समय खाद्यान्न मात्रै थिएन, घरखर्च चलाउने बलियो आधार थियो। मकैसँगै बारीमा भट्ट लगाउने, उत्पादन बेच्ने र त्यसबाट आएको आम्दानीले वर्ष दिनका लागि चामलको जोहो गर्ने यहाँको पुरानो चलन हो।

यस क्षेत्रका ६० भन्दा बढी घर परिवारले बर्सेनि बीउ जोगाउँथे, अर्को वर्ष त्यही बीउ बारीमा लगाउँथे । तर अहिले पुस्तौंदेखि गाउँमै जोगिँदै आएको स्थानीय जातको कालो भट्टको बीउ पाउनै मुस्किल परेको छ।