एमाले बैठकमा सेनाका कुरा, विष्णु रिजालले मागे पार्टीको धारणा

काठमाडौँ- नेकपा एमालेका केन्द्रीय सदस्य विष्णु रिजालले नेपाली सेनाप्रति पार्टीको दृष्टिकोण स्पष्ट पार्नुपर्ने माग गर्दै पार्टीको सत्ता रणनीति, वाम एकता, नयाँ पुस्ताको सहभागिता र विगतका नीतिमाथि समेत गम्भीर समीक्षा गर्नुपर्ने धारणा राखेका छन्।

एमाले केन्द्रीय कमिटी बैठकमा बुधबार धारणा राख्दै रिजालले भदौ २३-२४ का घटनामा नेपाली सेनाको भूमिकाबारे कैयौँ प्रश्न अनुत्तरित रहेको बताए। अध्यक्ष केपी शर्मा ओलीले आफू पाँच मिनेट ढिलो भएको भए बालुवाटारमै मारिन सक्ने बताएको तथा राधिका शाक्यले पनि सेनाको भूमिकासँग सम्बन्धित धारणा सार्वजनिक गरेको प्रसंग उल्लेख गर्दै उनले पार्टीले सेनाप्रतिको दृष्टिकोण स्पष्ट गर्नुपर्ने बताए।