भारी वर्षाको पूर्वानुमानसँगै कैलालीमा उच्च सतर्कता

कैलाली - असोज ९ देखि ११ गतेसम्म सुदूरपश्चिमसहित विभिन्न क्षेत्रमा भारी वर्षा हुने पूर्वानुमानपछि कैलालीमा बाढी, पहिरो, नदी कटान तथा डुबानबाट हुनसक्ने क्षति न्यूनीकरणका लागि उच्च सतर्कता अपनाइने भएको छ ।

जिल्ला विपद् जोखिम न्यूनीकरण तथा व्यवस्थापन समितिको आज बसेको बैठकले नेपाल मौसम विज्ञान विभागले उक्त अवधिमा मेघगर्जन, चट्याङ र हावाहुरीसहित भारी वर्षाको सम्भावना औँल्याएपछि जिल्लाभर आवश्यक पूर्वतयारी र प्रतिकार्यका कामलाई तीव्रता दिने निर्णय गरेको हो ।