भुक्तानी प्रणालीलाई प्रविधिमैत्री बनाउन कानुन संशोधन आवश्यक : अर्थमन्त्री वाग्ले

काठमाडौं । कार्यवाहक प्रधानमन्त्री एवं अर्थमन्त्री डा. स्वर्णिम वाग्लेले वित्तीय प्रविधिमा भइरहेको तीव्र विकासलाई सम्बोधन गर्न भुक्तानी तथा फछ्र्यौटसम्बन्धी विद्यमान कानुनलाई समयअनुकूल बनाउन संशोधन विधेयक ल्याइएको बताउनुभएको छ ।

बुधबार बसेको प्रतिनिधिसभा बैठकमा ‘भुक्तानी तथा फछ्र्यौट (पहिलो संशोधन) विधेयक, २०८३’ माथिको छलफलका क्रममा सांसदहरूले उठाएका प्रश्नको जवाफ दिँदै अर्थमन्त्री वाग्लेले फिनटेकको तीव्र विस्तारसँगै नयाँ प्रकृतिका जोखिम र चुनौती थपिएकाले कानुनी व्यवस्था अद्यावधिक गर्नुपर्ने आवश्यकता रहेको बताउनुभयो ।