२ महिनामा ४ खर्बको वस्तु आयात, ६२ प्रतिशतले बढ्यो निर्यात

काठमाडौं । चालु आर्थिक वर्षको २ महिनामा व्यापार घाटा सवा ३ खर्ब पुगेको छ । भन्सार विभागले सार्वजनिक गरेको तथ्यांक अनुसार साउन र भदौमा व्यापार घाटा ३ खर्ब २४ अर्ब ९३ करोड रुपैयाँ पुगेको छ ।

गत वर्षको सोही अवधिको तुलनामा व्यापार घाटा २६ प्रतिशतले बढेको हो । गत वर्षको साउन र भदौमा २ खर्ब ५७ अर्ब ८३ करोड रुपैयाँ व्यापार घाटा भएको विभागको भनाई छ ।