भारी वर्षाको पूर्वानुमानपछि सुदूरपश्चिममा सुरक्षा संयन्त्र तयारी अवस्थामा

धनगढी । आगामी शुक्रबारदेखि तीन दिनसम्म भारीदेखि अतिभारी वर्षाको पूर्वानुमान गरिएपछि सुदूरपश्चिम प्रदेशमा विपद् प्रतिकार्यका लागि सुरक्षा तथा प्रशासनिक संयन्त्रलाई तयारी अवस्थामा राखिएको छ ।

जल तथा मौसम विज्ञान कार्यालय, अत्तरियाका निमित्त प्रमुख सञ्जयकुमार शाहका अनुसार बंगालको खाडीमा रहेको न्यूनचापीय क्षेत्र शक्तिशाली बन्दै गएकाले त्यसको प्रभाव नेपालमा पर्ने सम्भावना छ । सम्भावित वर्षाका कारण उच्च जोखिममा रहेका बझाङ, बाजुरा, दार्चुला र अछाममा ‘अलर्ट’ जारी गरिएको उनले बताए ।