पिएसजीले जित्यो सुपर कपको उपाधि

काठमाडौँ । पेरिस सेन्ट–जर्मेन (पिएसजी) ले अविश्वसनीय ढङ्गले खेल पल्टाउँदै क्लब इतिहासमै पहिलो पटक युइएफए सुपर कप जितेको छ।

इटालीको ब्लूनर्जी स्टेडियममा नेपाली समयअनुसार बिहिबार बिहान भएको खेलमा च्याम्पियन्स लिग विजेता पिएसजी टोटेनह्यामविरुद्ध सुरुबाटै दबाबमा परेको थियो। पहिलो हाफमा ३९औँ मिनेटमा टोटेनह्यामका मिकी भ्यान डे भेनले गोल गर्दै टिमलाई सुरुवाति अग्रता दिलाएका थिए भने खेलको ४८औँ मिनेटमा क्रिस्टियन रोमेरोले अर्को गोल थप्दै अन्तर २ः० पुर्‍याएका थिए।