कांग्रेस महाधिवेशन : ५८ जिल्लाका ५१२ पालिकामा अधिवेशन सम्पन्न

काठमाडौं। नेपाली कांग्रेसको १५औँ केन्द्रीय महाधिवेशनअन्तर्गत देशभर पालिका अधिवेशन प्रक्रिया उत्साहप्रद रूपमा अघि बढिरहेको निर्वाचन समितिले जनाएको छ। निर्वाचन समितिका सदस्य सचिव राजु कटुवालका अनुसार ७ असोजसम्म ५८ जिल्लाका ५१२ पालिकामा उद्घाटन तथा बन्द सत्रसहितको निर्वाचन प्रक्रिया सम्पन्न भएको छ।

समितिका अनुसार बाँकी २४१ पालिकामा अधिवेशन प्रक्रिया ८ र ९ असोजमा जारी रहनेछ। कांग्रेस केन्द्रीय कार्यसमितिको निर्णयअनुसार १५औँ केन्द्रीय महाधिवेशन आगामी १६ देखि १९ असोजसम्म आयोजना हुँदैछ। सोही महाधिवेशनको तालिकाअनुसार अहिले देशभरका स्थानीय तहमा अधिवेशन भइरहेको हो।