धनगढी नगर प्रमुख शैक्षिक सुधार कोषमा झण्डै पाँच लाख आर्थिक सहयोग

धनगढी । निजी क्षेत्रको एक बैंकले धनगढी नगर प्रमुख शैक्षिक सुधार कोषमा आर्थिक सहयोग गरेको छ । विपन्न परिवारका बालबालिकाहरुको लागि विद्यालय पोसाक (स्कुल ड्रेस) तथा पाठ्य सामग्री खरिदका लागि निजी क्षेत्रको माछापुच्छ्रे बैंक धनगढी शाखाले नगर प्रमुख शैक्षिक सुधार कोषमा आर्थिक सहयोग गरेको हो ।

बैंकले धनगढी नगर प्रमुख शैक्षिक सुधार कोषमा शैक्षिक गुणस्तर सुधार कार्यक्रम सञ्चालनका लागि छनौट भएका नमुना विद्यालयका ९४ जना बालबालिकाका लागि पोसाक तथा पाठ्य सामग्री खरिद गर्न भनेर चार लाख ९७ हजार रुपैयाँ सहयोग गरेको धनगढी उपमहानगरपालिकाले जनाएको छ ।