राष्ट्रिय सभामा गठबन्धनको ‘क्लिनस्विप’

काठमाडौँ — राष्ट्रिय सभाका १७ सिटका लागि आइतबार भएको निर्वाचनमा कांग्रेस–एमाले–जसपा नेपाल गठबन्धनले एकलौटी जित निकालेका छन् । गठबन्धनबीच बाँडफाँट भएअनुसारै कांग्रेसले ९, एमालेले ८ र जसपाले १ सिट जितेका हुन् ।

यो नतिजासँगै राष्ट्रिय सभामा दलहरूको ‘आकार र शक्ति’मा पनि हेरफेर भएको छ । कांग्रेस दोस्रोबाट पहिलो ठूलो दलमा उक्लिएको छ भने पहिलोमा रहेको नेकपा ८ सिट गुमाउँदै दोस्रोमा झरेको छ । एमाले तेस्रोमै यथावत् छ ।