एमालेको गढ भत्काउँदै दैलेखको ठाँटीकाँधमा काँग्रेस विजयी

नेकपा एमालेको गढ मानिएको दैलेखको ठाँटीकाँध गाउँपालिकाको अध्यक्षमा नेपाली काँग्रेसका रक्षबहादुर शाह निर्वाचित भएका छन् । ०७४ मा एउटा वडाध्यक्ष मात्रै पाएको काँग्रेसले यो पटक बहुमतसहित पालिका अध्यक्ष जितेको हो ।

अध्यक्षमा काँग्रेसका रक्षबहादुर शाहले २ हजार ५७१ मत ल्याएर विजयी भएका हुन् । उनले नेकपा एमालेकी लक्ष्मीदेवी शाहलाई २९२ मतान्तरले पराजित गरेका हुन् । लक्ष्मीदेवीले २ हजार २७९ मत पाएकी छन् । लक्ष्मीदेवी पूर्व मन्त्री एवं नेकपा एमालेका प्रदेश अध्यक्ष विनोद कुमार शाहकी श्रीमती हुन् ।