हिमाली विविधता

विश्वको सबैभन्दा अग्लो र सबैभन्दा कान्छो शृंखला हिमालय शृंखला नेपालमा पर्छ । इन्डो–अस्ट्रेलियन टेक्टोनिक प्लेट र युरोसियन टेक्टोनिक प्लेटका बीचमा नेपाल छ । खण्डखण्डमा ससाना लगभग प्रदेशसरहका चट्टानी आधारहरू यसका भौगर्भिक बेसप्लेट हुन् । यी प्लेट भारतीय तथा तिब्बतीय प्लेटको पिसाइमा परेका छन् । यही कारणले हिमाल प्रतिवर्ष २ मिलिमिटर माथि उठ्ने गरेको विश्वास गरिन्छ ।

नेपाल पहिले टेथिस सागर थियो । टेथिस सागर रहँदा भारत एसियासँग टाढा र अफ्रिकासँग नजिक रहेको थियो । नेपाल ठाडो र भिरालो जमिन छ । सिंगो हिमालयमुनि अधिकतम समशितोष्ण हावापानी छ । हिमालयको अद्वितीय सौन्दर्य रहेको छ । हिमालमुनि रहेका कोणधारी, पतझड र तराईका सदाबहार वनस्पतिले मन नै लोभ्याउने गरेको छ ।