लुम्बिनीका सबै स्थानीय तहमा कांग्रेसको गाउँ–नगर अधिवेशन

बुटवल। नेपाली कांग्रेसको १५औँ महाधिवेशनअन्तर्गत लुम्बिनी प्रदेशका सबै स्थानीय तहमा बुधबार गाउँ–नगर अधिवेशनको प्रक्रिया अघि बढेको छ। केही स्थानीय तहमा नेतृत्व सर्वसम्मत चयन भएको छ भने केहीमा मतदानमार्फत नेतृत्व चयनको प्रक्रिया जारी छ।

लुम्बिनी प्रदेश निर्वाचन संयोजक वरिष्ठ अधिवक्ता दीपकुमार रेग्मीका अनुसार बुधबार साँझ ६ बजेसम्म केही स्थानीय तहमा सर्वसम्मत नेतृत्व चयन भएको र केहीमा मतदान भइरहेको जानकारी प्राप्त भएको छ ।