१७ वर्षमै कांग्रेस क्षेत्रीय प्रतिनिधि बनेका सुजलको जिम्मेवारी खोसियो

नेपाली कांग्रेसको १५ औं महाधिवेशनअन्तर्गत इलामबाट सर्वसम्मत क्षेत्रीय प्रतिनिधि निर्वाचित भएका १७ वर्षीय सुजल चापागाईंको जिम्मेवारी पार्टीको केन्द्रीय निर्वाचन समितिले स्थगन गरेको छ।

पार्टी विधानअनुसार सदस्यताका लागि १८ वर्ष उमेर पूरा हुनुपर्ने वैधानिक व्यवस्थाविपरीत उनी निर्वाचित भएको पाइएपछि समितिले यस्तो निर्णय गरेको हो।