मासु उद्योगमा काम गर्ने ८८ विदेशीको व्यावसायिक भिसा रद्द, देश निकालाको प्रक्रिया सुरु

सिन्धुलीको मरिणमा निर्माणाधीन मासु प्रशोधन उद्योगमा कार्यरत ८८ जना विदेशी नागरिकको व्यावसायिक भिसा रद्द गरिएको छ।

अध्यागमन विभागका अनुसार नेपालमा व्यापारिक तथा औद्योगिक लगानीका लागि अनुमति लिएका उनीहरूले भिसामा उल्लेख गरिएको उद्देश्यविपरीत अन्य काम गरेको पाइएपछि भिसा रद्द गरिएको हो। भिसा रद्द गरिएकाहरूलाई नेपालबाट निष्कासन गर्ने प्रक्रिया समेत अघि बढाइएको विभागले जनाएको छ।