यस्ता छन् कर्णाली मन्त्रिपरिषद्का तीन निर्णय

७ असोज, सुर्खेत । कर्णाली प्रदेश सरकारले भूमि व्यवस्था, कृषि तथा सहकारी मन्त्रालयको प्रदेश सचिवमा डा. चन्द्रप्रसाद रिसाललाई कामकाजमा खटाउनेसहित तीन वटा निर्णय गरेको छ ।

बुधबार बसेको प्रदेश मन्त्रिपरिषद्को बैठकले प्रदेश सचिव डा. रिसाललाई भूमि व्यवस्था, कृषि तथा सहकारी मन्त्रालय, कर्णाली प्रदेश, वीरेन्द्रनगर, सुर्खेतको रिक्त प्रदेश सचिव पदमा कामकाजमा खटाउने निर्णय गरेको हो ।