सुरक्षा निकायसँग मिल्ने नाम र उद्देश्य भएका संस्था दर्ता नगर्न गृहको निर्देशन

गृह मन्त्रालयले सुरक्षा निकायको नाम, पोशाक, संकेत, चिह्न वा कार्यक्षेत्रसँग मिल्दोजुल्दो व्यवस्था भएका संस्था दर्ता नगर्न जिल्ला प्रशासन कार्यालयहरूलाई निर्देशन दिएको छ।

मन्त्रालयले मंगलबार सबै जिल्ला प्रशासन कार्यालयलाई पत्र पठाउँदै यसअघि त्यस्ता व्यवस्था राखेर दर्ता भएका संस्थाहरूको विधान परिमार्जन वा संशोधन भए/नभएको जानकारी मागेको हो।