जीतपुर सिमरा उपमहानगरले सार्वजनिक जग्गामा बनेका अवैध संरचना खाली गर्दै

बारा । जीतपुर सिमरा उपमहानगरले सिमरा बजार क्षेत्रको सार्वजनिक जग्गामा बनेका अवैध संरचना हटाउने भएको छ । उपमहानगरले सार्वजनिक सूचना निकालेर शनिवार बिहान जीतपुर सिमरा अस्पताल क्षेत्रसँगै रहेको सार्वजनिक जग्गामा बनेका अवैध संरचना खाली गर्ने जनाएको हो ।

यसअघि सो सार्वजनिक जग्गामा बनेका अवैध संरचनाहरूमा साना तथा मझौला व्यवसाय गर्ने व्यवसायीहरूबाट २० औ वर्षदेखि केही सीमित व्यक्तिले भाडा उठाएर खाँदै आएका थिए ।