एमाले केन्द्रीय कमिटी बैठकमा सुहाङले भने, ‘पार्टीको अवस्था ठिकठाक छैन, सत्य स्वीकार गरेर अघि बढौँ’

काठमाडौँ। नेकपा (एमाले) को जारी केन्द्रीय कमिटी बैठकमा केन्द्रीय सदस्य तथा प्रतिनिधि सभा सदस्य सुहाङ नेम्वाङले पार्टी र आन्दोलनको वर्तमान अवस्थाबारे आत्मसमीक्षा गर्दै नयाँ मार्गचित्रसहित अघि बढ्न नेतृत्वलाई सुझाव दिएका छन्।

बुधबार बैठकमा आफ्नो धारणा राख्दै नेम्वाङले पार्टी र आन्दोलनको अवस्था आफूहरूले भनिरहेजस्तो ‘ठिकठाक’ नरहेको बताएका हुन्। उनले पार्टीप्रति समाजमा रहेको विश्वास र भरोसा क्रमशः कमजोर हुँदै गएको भन्दै त्यसलाई स्वीकार गरेर सुधारको बाटोमा अघि बढ्नुपर्नेमा जोड दिए।