सिंहदरबारबाट निस्कन नसकेपछि सेनाको ब्यारेकमा रातभर शरण लिएको थिएँ: माधव नेपाल

नेपाली कम्युनिष्ट पार्टीका सहसंयोजक एवं पूर्वप्रधानमन्त्री माधवकुमार नेपालले गत वर्षको भदौ २४ गतेको घटनाक्रम सम्झिँदै आफूले सेनाको ब्यारेक भित्र रात बिताउनुपरेको अनुभव सुनाएका छन्।

बुधबार नागरिक दैनिकका सम्पादक बालकृष्ण अधिकारीसँग ‘नागरिक फ्रन्टलाइन’ कार्यक्रममा कुराकानी गर्दै पूर्वप्रधानमन्त्री नेपालले भदौ २४ गते सिंहदरबारभित्रै थुनिएपछि ज्यान जोगाउन सेनाको शरण लिनुपरेको र भोलिपल्ट बिहानै ४ बजे त्यहाँबाट निस्कनुपरेको बताएका हुन्।