अर्घाखाँची महोत्सव सम्पन्न, पाँच करोडको कारोबार

अर्घाखाँची । अर्घाखाँचीको सन्धिखर्कमा सञ्चालित सातौँ अर्घाखाँची महोत्सव एवं, कृषि, पर्यटन संस्कृति औद्योगिक तथा व्यापार मेला सम्पन्न भएको छ ।

अर्घाखाँची चेम्बर अफ कमर्सको आयोजनामा सन्धिखर्कको कुँडुले फाँटमा सञ्चालन भएको उक्त महोत्सव स्थानीय उत्पादनलाई प्रवर्द्धन गर्ने तथा जिल्लाका पर्यटकीय क्षेत्रलाई टेवा पुर्‍याउने उद्देश्यसहित आयोजना गरिएको अर्घाखाँची चेम्बर अफ कमर्सका अध्यक्ष अशोक श्रेष्ठले बताए । चार सय कक्ष रहेको मेलामा झन्डै ७० हजार दर्शकले अवलोकन गरेका र रु पाँच करोड बराबरको कारोबार भएको उनले जानकारी दिए ।