‘तीन पटक राष्ट्रपतिको अफर आएको थियो, पदको लोभ गरेको भए उहिल्यै राष्ट्रपति भइसक्थें’

नेपाली कम्युनिष्ट पार्टीका सहसंयोजक एवं पूर्वप्रधानमन्त्री माधवकुमार नेपालले आफूलाई तीन-तीन पटक राष्ट्रपतिको अफर आए पनि कार्यकारी राजनीति रोज्दै अस्वीकार गरेको दाबी गरेका छन्।

बुधबार नागरिक दैनिकका सम्पादक बालकृष्ण अधिकारीसँग ‘नागरिक फ्रन्टलाइन’ कार्यक्रममा कुराकानी गर्दै नेता नेपालले यदि आफूमा पदको आशक्ति हुन्थ्यो भने गणतन्त्र नेपालको पहिलो राष्ट्रपति नै आफू बन्ने परिस्थिति रहेको स्मरण गरे।