मलेसियामा नेपालीको पीडादायी कथा : ६ वर्षमा २,२१४ जनाको मृत्यु

काठमाडौँ । घरमा वृद्ध आमाबुबा, श्रीमती र छोराछोरीलाई सुख दिने सपना बोकेर नेपाली युवाहरू हरेक वर्ष हजारौँको संख्यामा मलेसिया पुग्छन्। परिवारको भविष्य बदल्ने आशामा परदेशको तातो घाममा पसिना बगाउँछन्। तर, कतिपयका लागि त्यो सपना घर फर्कने यात्रामा परिणत हुँदैन।

मलेसियास्थित नेपाली दूतावासको तथ्याङ्क उद्धृत गर्दै मलेसियाको मानव अधिकार आयोग (सुहाकम) ले सार्वजनिक गरेको तथ्याङ्कले यही पीडादायी वास्तविकता देखाएको छ। सन् २०१८ देखि मे २०२४ सम्म २ हजार २ सय १४ जना नेपाली आप्रवासी कामदारले मलेसियामा ज्यान गुमाएका छन्।