इरानको पाइप लाइनमा ग्यास आपूर्तिमा अवरोध

तेहरान । ‘आतङ्कवाद र तोडफोड’ कार्यमा बुधबार बिहान इरानको तीन प्रान्तमा ग्यास आपूर्ति गर्ने ग्यास पाइपलाइनहरूमा दुई वटा विस्फोट भएको सरकारी मिडियाले बताएको छ । “आतङ्कवाद र तोडफोडको यो कार्य राति करिब एक बजे दुई स्थानमा गरिएको थियो”, नेसनल इरानी ग्यास कम्पनीका प्रबन्धक सइद अघलीले ऊर्जा मन्त्रालयको आधिकारिक साना समाचार एजेन्सीलाई भने ।

उनले तोडफोड गर्नेले दक्षिणपश्चिमी प्रान्त चाहरमहल र बख्तियारीको बोरुजेन सहर तथा फार्सको दक्षिणी प्रान्त सफसहरमा पाइपलाइनलाई निशाना बनाएको बताए । अघलीले विस्फोट र त्यसपछि लागेको आगोमा कोही हताहत नभएको जानकारी दिए ।