प्रधानमन्त्रीलाई फोटोमा हेर्छु, चिनजान छैन : माधव नेपाल

नेपाली कम्युनिष्ट पार्टीका सहअध्यक्ष एवं पूर्वप्रधानमन्त्री माधवकुमार नेपालले वर्तमान सरकारले प्रमुख राजनीतिक दल तथा अनुभवी नेताहरूसँग आवश्यक परामर्श नै नगरी एकलौटी ढंगले अघि बढ्न खोजेको आरोप लगाएका छन् ।

प्रधानमन्त्री नियुक्त भएपछि सपथ ग्रहणका दिन आफूले बधाई दिएयता प्रधानमन्त्रीसँग प्रत्यक्ष भेटघाटसमेत हुन नसकेको नेपालले बताए। प्रधानमन्त्रीले आफूलाई भेटका लागि नबोलाएको र कुनै विषयमा राय–सल्लाहसमेत नलिएको उनको भनाइ छ ।