झलनाथको दाबी: कम्युनिष्ट आन्दोलन सिद्ध्याउन मदन भण्डारीको हत्या गरियो

काठमाडौँ । पूर्वप्रधानमन्त्री एवं नेपाली कम्युनिष्ट पार्टी (नेकपा) का वरिष्ठ नेता झलनाथ खनालले जननेता मदन भण्डारीको हत्या नेपालको कम्युनिष्ट आन्दोलनलाई कमजोर र निस्तेज पार्ने स्वदेशी तथा विदेशी प्रतिक्रियावादी शक्तिहरूको ठुलो षड्यन्त्र भएको दाबी गरेका छन्।

आइतबार जननेता मदन भण्डारीको ७५औँ जन्मजयन्तीका अवसरमा काठमाडौँमा आयोजित ‘नेपालको कम्युनिष्ट आन्दोलन र जननेता मदन भण्डारी’ विषयक विशेष अन्तरक्रिया कार्यक्रममा बोल्दै नेता खनालले यस्तो दाबी गरेका हुन्।