२५ वर्षदेखि थन्किएका वैदेशिक रोजगार ठगीका मुद्दा अब डिजिटल ट्रयाकिङमा

काठमाडौं । वैदेशिक रोजगार विभागले २५ वर्षदेखि थन्किएका मुद्दा तथा अनुसन्धानका हजारौँ फाइल खोजी गरी तिनको व्यवस्थापन र फर्छ्यौटका लागि डिजिटलाइजेसनको काम सुरू गरेको छ ।

युवा, श्रम तथा रोजगार मन्त्री रामजी यादवले वैदेशिक रोजगार ठगीका मुद्दा उच्च प्राथमिकतामा राख्दै निरन्तर सक्रिय रहन निर्देशन दिएसँगै महानिर्देशक मीरा आचार्यले लामो समयदेखि अलपत्र अवस्थामा रहेका फाइलहरूलाई व्यवस्थित गर्न अभियान थालेकी छन् ।