रोयल टुलिप चितवनलाई पाँचतारे डिलक्सको मान्यता, १५ लाख कित्ता आईपीओ ल्याउँदै

चितवन । सौराहास्थित ‘रोयल टुलिप चितवन’ रिसोर्टले पर्यटन विभागको स्थलगत निरीक्षणपछि ‘पाँचतारे डिलक्स’ को मान्यता पाएको छ। केटीएम हस्पिटालिटी लिमिटेडद्वारा सञ्चालित यस रिसोर्टले भौतिक पूर्वाधार, सेवा सुविधा र सुरक्षा व्यवस्थाका मापदण्ड पूरा गरेपछि उक्त वर्गको स्तरीकरण प्राप्त गरेको हो। नेपालमा हालसम्म अन्य तीन होटलले मात्र यो स्तरको मान्यता पाएका छन्।

४.१२ एकड क्षेत्रफलमा फैलिएको यस रिसोर्टमा काठ, ढुंगा, जुट र स्थानीय हस्तकलाका सामग्री प्रयोग गरी नेपालीपन झल्काइएको छ। अन्तर्राष्ट्रिय ब्रान्ड ‘लुभ्र होटल्स ग्रुप’ सँगको सम्झौताअनुसार सञ्चालित ६५ कोठाको यस रिसोर्टमा अत्याधुनिक सेवाका साथै नेपालमै पहिलोपटक 'तनावीबार' र मध्यरातका लागि 'स्पोर्ट्सबार' लगायतका सुविधा उपलब्ध छन्।