बाढीमा हराएका हवल्दारको बिदाइ: १० वर्षे छोराले कुशको शवमै दिए दागबत्ती

रसुवाको भोटेकोशी नदिमा आएको भीषण बाढीमा परी बेपत्ता भएका नेपाल प्रहरीका हवल्दार श्रवणकुमार यादवको २८ औं दिनमा कुशको प्रतीकात्मक शव बनाएर बुधबार राष्ट्रिय सम्मानका साथ अन्तिम संस्कार गरिएको छ।

पर्सास्थित तिलावे खोलाको घाटमा आयोजित शोकपूर्ण समारोहबीच उनका १० वर्षीय छोरा युवराज यादवले दागबत्ती दिए।