धादिङको शीतल बजारमा चट्टान फुटाएपछि पृथ्वी राजमार्ग दुईतर्फी सञ्चालनमा

काठमाडौँ । पृथ्वी राजमार्गअन्तर्गत धादिङको शीतल बजारस्थित क्षतिग्रस्त सडक खण्डमा नेपाली सेनाको सहयोगमा कडा चट्टान फुटाएर दुईतर्फी यातायात सञ्चालनमा ल्याइएको छ ।

गत २०८३ साल भाद्र १४ गते त्रिशूली नदीमा आएको बाढीले कटान गर्दा उक्त सडक क्षतिग्रस्त भई एकतर्फी रूपमा मात्र सञ्चालन हुँदै आएको थियो । सडकलाई पुनः सहज र दुईतर्फी बनाउनका लागि भित्तातर्फ रहेको करिब ५५ मिटर लामो कडा चट्टान हटाउने कार्य सफलतापूर्वक सम्पन्न भएको नागढुंगा–मुग्लिङ सडक योजनाले जनाएको छ ।