विद्यार्थी आन्दोलनलाई समर्थन गर्दै सलमानले भने : राम्रो शिक्षा प्रणालीका लागि एकजुट भएको देखेर खुसी छु

नीट परीक्षाको प्रश्नपत्र (पेपर लीक) को आरोप र प्रदर्शनकारीमाथि भएको प्रहरी कारबाहीको विरोधमा उत्रिएका विद्यार्थीहरूको पक्षमा धेरै बलिउड कलाकारहरूले खुला समर्थन जनाउँदै आएका छन्।

यसबिच लामो समयसम्म यस विषयमा केही नबोलेका कारण आलोचना खेप्दै आएका अभिनेता सलमान खानले पनि अन्ततः आफ्नो मौनता तोड्दै विद्यार्थीको समर्थनमा सामाजिक सञ्जालमा लामो पोस्ट साझा गरेका छन्। विद्यार्थीहरूको प्रदर्शनलाई शान्तिपूर्ण भन्दै सलमानले यो हिंसात्मक बन्नु दुःखद रहेको बताए। उनले घाइते भएका विद्यार्थी र उनीहरूको परिवारप्रति गहिरो सहानुभूति व्यक्त गर्दै पेपर लीकलाई एकदमै गम्भीर मुद्दा भनेका छन्।