चीनको नियामक दबाबबीच एनभिडियाका सीईओ जेन्सेन हुआङ शाङ्घाइमा

अमेरिकी चिप निर्माता एनभिडियाका प्रमुख कार्यकारी अधिकृत (सीईओ) जेन्सेन हुआङ चीनका स्थानीय प्रतिस्पर्धी कम्पनीहरूको तीव्र चुनौती र चिनियाँ अधिकारीहरूको नियामक निगरानीका बीच शाङ्घाइ पुगेका छन्।

एनभिडियाका चीनस्थित कर्मचारीहरूसँग वार्षिक उत्सवको सुरुवात गर्ने उद्देश्यले गरिएको हुआङको यो भ्रमण नियमित प्रकृतिको रहेको बताइएको छ। उनी शनिबार शाङ्घाइमा आयोजना हुने एनभिडियाको एक कार्यक्रममा सहभागी भएपछि बेइजिङ, शेन्जेन हुँदै ताइवान जाने कार्यक्रम रहेको अर्को स्रोतले जनाएको छ।